Fuglafjarðar Bókasavn heldur til í hugnaligu hølinum á gamla bókasavninum frá 1882, miðskeiðis í býnum. Tað stendur øllum í boði at nýta bókasavnið, og miðjar bókasavnið fram ímóti at gerast miðdepil fyri upplýsing, mentan og trivanði.

Bókasavnið hevur ein bókastovn, ið telur umm ímóti 20.000 bókum, bæði til vaksin, ung og børn, umframt annað tilfar so sum ljóðbøkur og tíðarrit, og keypir regluliga nýggjar bøkur inn.

Umframt hetta heldur bókasavnið eisini øll tey føroysku bløðini, sum til ber at lesa á bókasavninum, umframt onnur útlensk bløð og tíðarrit. Eldri tíðarrit er møguleiki fyri at læna.

Bókavørðurin er altíð fúsur at veita hjláp og vegleiðing, um okkurt ávíst skal finnast fram.